Útbúgving er lykilin til framtíðina. Við einari útbúgving í skjáttuni, latast hurðar upp, sum annars høvdur verið afturlatnar og læstar.
Her á heimasíðuni verða føroyskar útbúgvingar vístar og lýstar. Tú kanst velja ímillum yrkisútbúgvingar, gymnasialar miðnámsútbúgvingar og aðrar útbúgvingar.
Við einari gymnasialari miðnámsútbúgving, ið vanliga tekur trý ár, útvegar tú tær førleikar til framhaldslestur á hægri lærustovni í Føroyum ella uttanlands.
Við einari yrkisútbúgving gert tú teg til reiðar at fara út á arbeiðsmarknaðin at arbeiða sum faklærd/ur. Tú hevur eisini møguleika til seinni at fara undir framhaldslestur.
Útbúgvingartilboðini eru nógv og spennandi, og tí kann tað vera torført at taka avgerð um at velja røttu útbúgvingina.
Vegleiðing er tí ein týdningarmikil partur av tí at velja útbúgving. Á skúlunum kring landið eru dugnaligir vegleiðarar, sum eru til reiðar at svara spurningum og vegleiða teg, um okkurt er um útbúgvingarnar, ið tú vilt hava meira at vita um. Ivast tú í, hvønn skúla ella vegleiðara, tú skalt venda tær til, ert tú væl komin at venda tær til Vegleiðingarstovuna.
Vegleiðingarstovan hevur telefon 200 910, og tú kanst ringja mánadag, týsdag, hósdag og fríggjadag millum kl. 9.00 og 12.00.