Útbúgvingarbólkur: Yrkisútbúgvingar

Yrkisútbúgvingar fevna um allar føroyskar yrkisútbúgvingar, har tann útbúgvandi hevur lærusáttmála við eitt føroyskt virki.

  • Alari

    Alarar hava ábyrgd av fiski, frá tí hann á smoltstøðini er rogn og yngul, til hann sum smolt verður set­ t­ ur á sjógv í aliringum. Alarin skal tryggja, at fiskurin verð­ ur fóðraður og mennist rætt, og í samráð við leiðsluna av framleiðsluni tryggja, at fiskurin trívist væl, og at aliringurin støðugt er í góð­­ um standi. Alarin siglur millum land og aliringar í sergjørdum bátum við krana- og fiskaflutningsútgerð. Aliútbúgvingin er ein saman­ renning millum upplæring á læru­ plássi og undirvísing í skúla.

  • Tann­atstøðingur

    Útbúgvingin sum tannatstøðingur gevur tær grund­ leggjandi vitan um at ansa eftir tonnum og tannkjøti, og tú lærir um útgerð og tilfar, ið verður nýtt til at fyribyrgja holum og tann­ sjúkum. Samstundis lærir tú at taka røntgen­myndir og at finna røttu útgerðina fram til tannlæknan. Ein partur av arbeiðinum er at passa mót­ tøkuna og telefonina, og eisini at skriva rokn­ ingar, skráseta, bíleggja og senda innkall­ingar til kundar.

  • Skeltatøkningur

    Sum skeltatøkningur framleiðir tú skelti. Undir útbúgvingini lærir tú um visuelt samskifti, sniðgeving, tilfar og handverk. Tað, tú sniðgevur, skal flytast yvir á t.d. plast og plátur, sum skal skerast út og síðan setast upp.

  • Miðlagrafikari

    Ein miðlagrafikari arbeiðir kreativt við teksti og mynd­ um, bæði talgilt og á prenti. Undir útbúgvingini lærir tú um týdningin av mynd­ um, skapi og litum, og tú lærir at hava eitt tekniskt yvirlit heilt frá hugskoti til lidna framleiðslu. Tú lærir, bæði ástøðiliga og í verki, at loysa arbeiðsupp­ gávurnar, sum verða gjørdar á grafiskum verkstøðum, á samskiftisfyritøkum og líknandi.

  • Grafiskur tøkningur

    Undir útbúgvingini lærir tú grafisk kynstur og at brúka tilfar og amboð í samband við grafiska arbeiðið. Tú lærir sjálvstøðugt at ráðleggja, seta í verk og halda eftirlit við framleiðsluni av grafiska tilfarinum.

  • Kosmetikari

    Sum kosmetikari fæst tú við húð, vakurleika og vælveru, og tú lærir um mannagongdir og vørur innan andlits- og kropsrøkt. Umframt at gera andlits- og kropsviðgerðir, eitt nú pedicure og manicure, skalt tú eisini vegleiða kundum innan vælveru og røkt. Kosmetikarar arbeiða gjarna á eitt nú vakur­ leikastovum, vælverusentrum og á klinikkum.

  • Hárfríðkari

    Útbúgving sum hárfríðkari gevur tær grundleggjandi vitan um at klippa, seta og røkja hár. Eisini lærir tú um hárvørur, og hvussu tær rigga. Útbúgvingin gevur tær tekniskar, ástøðiligar og almennar førleikar, sum við eftir- og fram­ halds­útbúgv­ingum kunnu menna persónligu førleikarnar.

  • Fotografur

    Undir útbúgvingini lærir tú at hugsa, skapa og brúka motiv, ljós og myndaviðgerð. Tú fært grundleggjandi frálæru í teimum mongu viður­ skiftum, sum eru avgerandi fyri ta góðu myndina. Arbeitt verður við allari tilgongdini frá ætlan til lidna mynd.

  • Films- og sjónvarpsframleiðslutøkningur

    Sum films- og sjónvarpsframleiðslutøkningur fæst tú við at framleiða eitt nú film, sjónbond og sjónvarpssendingar, og tú verður við til at fyrireika, taka upp og viðgera framleiðsluna. Tú fært frálæru í at brúka útgerðina til framleiðsluna, og tú fært innlit í eitt nú ljós, ljóð, viðgerð og nýggjastu tøknina.

  • Sveisari

    Ein sveisari arbeiðir við at gera tilskeringar og tilevna rættar-, skráar- og heildarskurð í plátur, rør og tvørskurðir. Eisini fæst ein sveisari við einfaldar framleiðsluupp­ gávur, bæði handaligar og við maskin­ um, og gera skap í plátu-, rør- og stál­tvørskurðum. Aðrar uppgávur eru eitt nú at røkja amboð og við­gera yvirflatur úr metalli og øðrum tilfari, og at leggja til rættis samansettar sveisiuppgávur.