Útbúgvingarbólkur: Yrkisútbúgvingar

Yrkisútbúgvingar fevna um allar føroyskar yrkisútbúgvingar, har tann útbúgvandi hevur lærusáttmála við eitt føroyskt virki.

  • Skrivstovufólk

    Vanlig skrivstovuútbúgving innan fyrisiting kann takast á Glasi. Allar aðrar skriv­ stovu­ útbúgvingar krevja dan­ska skú­la­ gongd.
    Ein skrivstovuútbúgving gevur tær grund­ leggjandi vitan um fyrisiting og búskap. Við FHS ella einari gymnasialari útbúgving verður útbúgvingin stytt samsvarandi.

  • Skrivstovu­fólk

    Við sergrein innan búskap lærir tú at seta upp roknskapir og gera fíggjarætlanir. Tú lærir t.d. at bóka inntøkur, útreiðslur og
    lønir og at fíggjarstýra virkir. Ein skrivstovuútbúgving gevur tær grund­ leggjandi vitan um fyrisiting og búskap.

  • Húsavørður

    Sum húsa­­ vørður fært tú grund­ vitan um hita- og ventilatións­ skipanir og el- og vatn­­ veitingar. Tú lærir um viðlíkahald, at gera smærri um­ vælingar og at samstarva við handverkarar í sambandi við størri uppgávur. Tú lærir um skaðameting av bygningum og brynjar teg at vera um brúkarar á staðnum, har tú ert húsavørður.

  • Húsasmiður

    Sum húsasmiður dugir tú kynstrið at smíða hús og bygningar og at gera alskyns timburarbeiði. Tú lærir at gera útveggir og tak­konstruk­tiónir, at forskalla, klæða, bjálva, leggja gólv og at seta vindeygu og hurðar í, umframt at montera køkar og aðrar lidnar bygningslutir.

  • Skrivstovu­fólk

    Eitt skrivstovufólk innan almenna fyrisiting lærir grundleggjandi um fyri­ siting og búskap. Tú lærir um sam­ band við viðskiftafólk og tænastu, hvussu tú arbeiðir við tekstviðgerð, dátugrunnum, rokni­ arki og øðrum KT-skipanum.

  • Logistikkatstøðingur

    Logistikkútbúgvingin er ein handilsútbúgv­ing við sergrein í logistikki. Tú lærir, hvussu søla av vørum og tænastum og vørugoymsla kunnu rekast sum skynsamast fyri vinning. Tú lærir at heinta inn tilboð, samanbera prísir og góðsku, arbeiða við logistikki, umframt at keypa inn vøru í hóskandi mongd. Tekur tú hesa útbúgvingina, lærir tú sum oftast hjá einari fyritøku, sum handlar við aðrar fyritøkur.

  • Gólvleggjari

    Sum gólvleggjari ert tú við til at ráðgeva og meta um prís, góðsku og annað í sambandi við at leggja gólv á. Tú ert við til at tekna og leggja uppgávur til rættis, og arbeitt verður bæði við amboðum og maskinum. Uppgávurnar verða javnan loy­ star saman við øðrum handverkarum, so arbeitt verður bæði sjálvstøðugt og í toy­ mi.

  • Bygningssnikkari

    Sum bygningssnikkari fært tú grundleggj­ andi vitan um trætilfar og út­ gerð, sum verður brúkt til at programmera, innstilla og góðskutryggja alskyns snikkaramaski­ nur, og tú lærir at framleiða og mon­ tera vindeygu, hurðar, trappur og annað snikkaraverk.

  • Handilsfólk

    Tú lærir, hvussu søla fer fram millum fyri­ tøkur, og hvussu søla av vørum og tæna­stum kann gerast, so at tú gevur fyri­tøkuni vinning. Tú lærir at heinta inn tilboð, samanbera prísir og góðsku, arbeiða við logistikki, umframt at keypa inn vøru í hóskandi mongd.

  • Blómubindari

    Útbúgvingin til blómu­ bindara er ein útbúgving innan smá­ sølu við ser­ grein innan blómu­ binding. Tú lærir grund­ leggjandi vitan um vøru, sølu og kunda­ tænastu í einum handli.