Sum rør- og blikksmiður gert og røkir tú vatnskipanir, hitaskipanir og ventilatiónsinnleggingar í eitt nú sethúsum og virkjum. Eisini fert tú at seta HVS-stýriskipanir upp og geva vegleiðing, umframt at røkja og umvæla skipanir innan yrkið.
Útbúgvingarbólkur: Maskin og framleiðsla
Rørsmiður
Rørsmiðir fáast við at tilevna og røkja HVS-stýriskipanir oljuketlar og aðrar orkuskipanir til eitt nú sethús, verksmiðjur og virkir. Tú fært grundleggjandi frálæru í smiðju- og maskinarbeiði, sum brynjar teg til at virka sum handverkari innan eitt nú jarn og metal.
Maskinsmiður
Í maskinsmiðjulæru fært tú grundleggjandi frálæru um maskinur í vinnuni, og tú lærir at forrita, seta upp og dagføra tær. Undir útbúgvingini lærir tú at gera maskinlutir (dreya og fresa) til eitt nú motorar, pumpur o.a. Harumframt lærir tú grundleggjandi sveising og motorlæru. Maskinsmiðir starvast ymisk støð, so sum á skipasmiðjum og á verkstøðum innan smiðju og maskinídnaðin.
Fínstálsmiður
Ein fínstálsmiður arbeiðir við stáli, og upp gávurnar kunnu t.d. vera at smíða eitt nú trappur, stigar, lás og portur burtur úr stáli. Undir útbúgvingini fært tú grundleggjandi vitan um at arbeiða við metal.